"Mançester Yunayted"də argentinalının yerinə hollandiyalı

Baş məşqçi Lui Van Qal gənc oyunçunu yanvarda transferə çıxaracaqları Markos Roxoya alternativ kimi görür.

Teleqraf.com-un məlumatına görə, "Porto"nun müdafiəçisi Bruno Martins İndi əvvəlki kimi "Mançester Yunayted"in maraq dairəsindədi. 23 yaşlı hollandiyalı müdafiənin mərkəzində və sol cinahda uğurlu çıxışı ilə diqqət çəkir.

"Manchester Evening News"in verdiyi xəbərə görə, "qırmızı şeytanlar" qış transfer dönəmində İndinin keçidini reallaşdırmağı planlaşdırır. Baş məşqçi Lui Van Qal gənc oyunçunu yanvarda transferə çıxaracaqları Markos Roxoya alternativ kimi görür.

İndi təcrübəli mütəxəssisə çox tanış oyunçudu. O, DÇ-2014-də Hollandiya millisini çalışdırmış Van Qalın güvəndiyi futbolçulardan biri olub. Onun "Porto" ilə müqaviləsinin müddəti 2018-ci ilə qədərdi.