Ancelotti karyerasını harada davam etdirəcəyini açıqladı

"Real"ın sabiq baş məşqçisi Karlo Ancelotti yanvardan etibarən yenidən iş başında olacağını açıqlayıb.

Teleqraf.com xəbər verir ki, bu barədə "Corriere dello Sport" məlumat yayıb. Təcrübəli mütəxəssis bunları dilə gətirib:

"Mənim məzuniyyətim ən azı bu ilin sonuna kimi davam edəcək, daha sonra futbola qayıdacam. Hansı klubda işləyəcəm? Məni hara çağırsalar orda. Danışıqlar aparacağıq, təklifi dəyərləndirib, qərar qəbul edəcəm.

Bir müddət öncə təkliflərə məhəl qoymurdum, ancaq indi hiss edirəm ki, yaşıl meydanlara qayıtmağa hazıram. Əgər planlarım pozulmasa, yanvarda işə qayıdacam.

Yenidən İngiltərə Premyer Liqasında çalışmaq istəyərdim. Orda mükəmməl şərait nəinki futbolla, həmçinin oyun ətrafında baş verənlərlə bağlıdı. Karyeramı bitirməmişdən əvvəl İngiltərədə işləməyi planlaşdırıram".

Ancelotti "Liverpul"un baş məşqçi postuna namizədlərdən biri idi, ancaq "qırmızılar" Yurgen Kloppla münasibətlərini rəsmiləşdirdilər.

Rüstəm