“Şmeltser “Qəbələ” ilə oyunda meydana çıxa bilər” – Tomas Tuxel

“Qəbələnin Avropa Liqasındakı rəqibi Dortmund “Borussiya”sının uzun müddətdir zədədən əziyyət çəkən futbolçuları artıq sağalıb.

Teleqraf.com-un məlumatına görə, bu bərədə klubun rəsmi saytına komandanın baş məşqçisi Tomas Tuxler məlumat verib.

42 yaşlı mütəxəssis bildirib ki, Marsel Şmeltser Bundesliqada bu həftə “Maynts”la matçda oynamayacaq: “Şmeltser zədəsini sağaltsa da, tam hazır olmadığından onu “Maynts”la matçda meydana buraxmayacam. Amma o gələn həftə Avropa Liqasında “Qəbələ” ilə səfər matçında oynaya bilər”.

Dortmund klubunun çalışdırıcısı eyni zamanda digər zədəlilər Erik Drum və Nuri Şahin haqqında da danışıb: “Drum və Nuri Şahinin də vəziyyətləri yaxşılaşmaq üzrədir. Hər iki futbolçu yenidən komandaya qoşulmaq üçün əllərindən gələni edir. Tezliklə onlar da komandaya kömək edəcək”.

Tomas Tuxel milli komandaların heyətindən qayıdan futbolçuların son durumu haqda da məlumat verib: “Bütün milli komandaların heyətində olan futbolçularımız artıq geri qayıdıb. Düzdür, onlarda yorğunluq hiss olunur, amma bu, bizim üçün problem olmamalıdır. Qarşıdan gələn oyuna komandamız hazır olacaq”.