Mourinyo: "Kloppla dost deyiləm"

"Çelsi"nin baş məşqçisi Joze Mourinyo İngiltərə Premyer Liqasının 11-ci turunda "Liverpul"la oyun öncəsi açıqlama verib.

Qol.Az-ın Britaniya mətbuatına istinadən yaydığı xəbərə görə, o, rəqib komandanın baş məşqçisi haqda müsbət fikirlər səsləndirib:

"Liverpul"un çox yaxşı məşqçisi var. Kloppla dost deyiləm, amma onu bəyənirəm. Yaxşı münasibətimiz var. Onun baş məşqçi kimi qazandığı uğurlar göz qabağındadır. Mənim üçün Avropanın ən güclü məşqçilərindən biri Kloppdur".

J.Mourinyo komandanın futbolçuları Kurtua və İvanoviçin zədə səbəbindən "Liverpul"a qarşı oynamayacağını deyib:

"Pedro və Kostanın meydanda olub-olmayacağı dəqiqləşməyib".