"Dünya futbolunda istedad çatışmır" – Ronaldo

Braziliya millisinin sabiq hücumçusu Ronaldo maraqlı fikirləri ilə diqqət çəkib.

İtaliya mətbuatına danışan Ronaldo müasir futbolda istedadlı oyunçuların çatışmadığını bildirib:

"Bu problem təkcə İtaliyada deyil. Hazırda dünya futbolunda istedadlı oyunçular çatışmır. Mən keçmişə qayıtmaq istəmirəm, ancaq bizim vaxtımızda komandada həlledici rol oynayan bir futbolçu vardı. O, da öz ölkəsinin ən yaxşısı idi. İndiki futbolçuların səviyyəsi çox aşağıdır".