"Artıq fitə basılmağım dəb halını alıb" – Pike

"Barselona"nın futbolçusu Jerar Pike son zamanlar azarkeşlər tərəfindən fitə basılmasına münasibət bildirib.

28 yaşlı futbolçu artıq bunun dəb halını aldığını deyib:

"İnsanların məni fitə basması artıq dəb halını alıb. Ancaq bunun fərqinə varmıram. Çünki meydanda olarkən tamamilə oyuna köklənirəm.

Təbii ki, onların hərəkəti doğru deyil. Mənim özümü ispaniyalı kimi hiss etmədiyimi deyirlər. Amma mən belə söz söyləməmişəm. Bu, sadəcə "Real" və "Barselona" arasında olan bir rəqabətdir. Milli komanda ilə heç bir əlaqəsi yoxdur".