Del Boske karyerasını başa vurur

İspaniya millisinin baş məşqçisi Visente del Boske gələn il Fransada keçiriləcək Avropa çempionatından sonra karyerasını başa vuracaq.

Bu barədə 64 yaşlı mütəxəssisin özü açıqlamasında deyib.

"Hər şey yolunda gedərsə, "Avro-2016"nın final mərhələsindən sonra karyeramı başa vuracam. Bunu daha öncə edə bilərdim. Ancaq bir çox ispaniyalı məşqçinin çalışdığı yaşa qədər məşqçilik etmək istədim".

Qeyd edək ki, 2008-ci ildən İspaniya millisini çalışdıran del Boske komandasına 2010-cu ildə dünya, 2012-ci ildə isə Avropa çempionluğunu qazandırıb.