İyirmi bir yaşadək futbolçulardan ibarət Azərbaycan yığması yanvarın 24-də “Antalya Cup”" turnirində ikinci oyununu keçirib.
AZƏRTAC xəbər verir ki, Səudiyyə Ərəbistanının U-20 yığması ilə qarşılaşan millimiz qələbə qazanıb – 3:0.
Oyunda hesabı 8-ci dəqiqədə penalti zərbəsindən fərqlənməklə Namiq Ələsgərov açıb. On dəqiqə sonra 11 metrlik cərimə zərbəsini Elnur Cəfərov dəqiq yerinə yetirməklə komandamızın üstünlüyünü 2 topa çatdırıb. 77-ci dəqiqədə Namiq Ələsgərov oyunun yekun hesabını müəyyənləşdirən qolu vurub.
Komandamız ilk oyununda Ukraynanın U-21 millisi ilə qarşılaşıb və 2:1 hesabı ilə qalib gəlib. Yığmamız turnirdə növbəti oyununu yanvarın 26-da Albaniyanın U-21 komandasına qarşı keçirəcək.