30 Yanvar 2016 17:47
369

“Mövsümün ikinci yarısına çox yaxsı hazırlaşmışıq. Antalyadakı təlim-məşq toplanışından səmərəli yararlandıq. İnanıram ki, bunun bəhrəsini çempionatda görəcəyik”.

Qol.Az-ın məlumatına görə, bu sözləri "Qəbələ"nin futbolçudu Ermin Zets "Qəbələ İK" qəzetinə deyib.

Cari mövsümdən “qırmızı-qara” formanı geyinən 28 yaşlı hücumçu təlim-məşq toplanışında fərqlənməyi də bacarıb. O, Almaniyanın “Osnabryuk” klubu ilə görüşdə (1:1) hesabı açıb:

“Hesab edirəm ki, hər 3 yoxlama matçında çox yaxşı oynadıq. Sınaq matçları önəmlidir. Bu zaman nəticədən çox komandanın necə oyun göstərməsi vacibdir. Matçlarda yaxşı təsir bağışlamağımız gələcəyə nikbin baxmağa əsas verir”.

Zets mövsümün həlledici mərhələsində onları çətin sınaq gözlədiyini bildirib:

“Hər bir matç bizim üçün ağır keçəcək. İnanıram ki, mövsümün ikinci yarısında daha yaxşı formada olacağıq. Buna görə də, çempionatın sonunda xal ehtiyatımızın indikindən xeyli çox olacağını gözləyirəm”.

Bosniyalı futbolçu üçüncü dövrəyə məhz Gəncədəki oyunla uğurlu start verəcəklərinə inanır. O, “Kəpəz”ə ilk dövrədə ev oyununda olduğu kimi, səfər matçında da qol vurmağa çalışacağını deyib:

“Kəpəz”lə səfər matçı heç də asan olmayacaq. məqsəd ancaq qələbə qazanmaqdır və bunun üçün bütün gücümüzü səfərbər edəcəyik. Azarkeşlərimizə demək istəyirəm ki, bütün oyunlarda qələbə qazanmaq üçün meydanda var qüvvəmizi qoyacağıq. Onlardan əvvəlkitək dəstək gözləyirik”.


Müəllif: