Suares "Liverpul"dan ayrılmağının səbəbini açıqladı

"Barselona"nın hücumçusu Luis Suares sabiq komandası "Liverpul"dan ayrılmağının səbəbini açıqlayıb.

Qol.Az-ın xarici KİV-lərə istinadən verdiyi məlumata görə, uruqvaylı futbolçu Çempionlar Liqasının qazanmaq üçün Liverpul təmsilçisindən ayrıldığını vurğulayıb:

"Liverpul"da qalaraq klubun yüksək səviyyəyə çatmasını istəyərdim. Çünki 5 il Çempionlar Liqasından kənarda qalmışdıq. Hər dəfə bu barədə paltardəyişmə otağında danışırdıq. Əgər "Liverpul" Çempionlar Liqasına vəsiqə qazanmasa, böyük futbolçuları da heyətinə qata bilməz. Çempionlar Liqasını qazanmaq üçün "Liverpul"dan ayrılaraq "Barselona"ya transfer oldum".

Qeyd edək ki, 2011-2014-cü ildə "Liverpul"da çıxış edən Suares keçirdiyi 110 oyunda 69 qol vurub.