"Roma"da ciddi itki

Çempionlar Liqasının 1/8 finalının ilk oyununda evdə "Real"a 1:2 uduzan "Roma" ciddi itki ilə üzləşib.

Komandanın yarımmüdafiəçisi Daniele de Rossi zədələnib.

Əzələsini dartan 32 yaşlı futbolçu görüşün 77-ci dəqiqəsində əvəzlənib. Hələlik onun hansı müddətə sıradan çıxdığı məlum deyil. Lakin de Rossinin A Seriyasının 25-ci turunda "Palermo" ilə keçiriləcək oyunda iştirak etməyəcəyi gözlənilir.

Qeyd edək ki, 2001-ci ildən "Roma"nın şərəfini qoruyan de Rossi keçirdiyi 380 oyunda 37 qol vurub.