Aleksey Antonov məhkəməyə müraciət etdi

"Qəbələ"nin futbolçusu Aleksey Antonov İdman Arbitraj Məhkəməsinə müraciət edib. Ukraynalı futbolçusu sabiq klubu "Aktobe"dən şikayətçidi.

Məlumatı Qazaxıstan təmsilçisinin direktoru Dmitri Vasilyev də təsdiqləyib. Belə ki, hazırda Azərbaycan Premyer Liqasında çıxış edən oyunçu "Aktobe"nin ona borclu olması ilə bağlı aidiyyatı quruma şikayət edib. Buna görə, qazaxların ciddi cəza ilə üzləşəcəyi istisna deyil.

Xatırladaq ki, Aleksey Antonov "Qəbələ"yə məhz "Aktobe"dən transfer olunub.