Azərbaycan Kubokunda ilk yarımfinalçı bəlli oldu

Bu gün Azərbaycan kubokunda 1/4 final mərhələsinin cavab oyunları keçirilir.

Qol.az-ın məlumatına görə, baş tutacaq 4 oyundan sonra yarımfinal mərhələsinə yüksələcək komandalar bəlli olacaq.

Günün ilk matçı paytaxtda baş tutub. Burada “İnter” “Rəvan”ı qəbul edib. Rəqibinə 3:0 hesabı ilə qalib gələn "İnter" yarımfinala yüksəlib.

Digər qarşılaşma Sumqayıtda keçirilib. Şəhərin eyniadlı komandası “Qarabağ”ı qəbul edib. Ağdam təmsilçisi rəqibinə 4:1 hesabı ilə qalib gələrək yarımfinala adını yazdırıb.

Növbəti qarşılaşmada “Qəbələ” “Zirə”ni qəbul edib. Səfərdə rəqibinə 2:1 hesabı ilə qalib gələn "qırmızı qaralar" evdə böyükhesablı qələbə qazanaraq yarımfinala adlayıb - 5:1.

Günün son oyununda isə “Neftçi” əzəli rəqibi “Xəzər Lənkəranı” qəbul edəcək. İlk görüşdə rəqibinə 3:2 hesabı ilə qalib gələn cənub klubu üstünlüyünü qorumağa çalışacaq.

Azərbaycan kuboku, 1/4 finalın cavab oyunları

“İnter” - “Rəvan” - 3:0
Qollar: Nika Kvekveskiri, 31 (1:0), Sezar Meza Kolli, 65 (2:0), Vüqar Nadirov, 85 (3:0)
(ilk oyun - 1:2)

“Qəbələ” - “Zirə” - 5:1
Qollar: Aleksey Qay, 5 (1:0), 12 (2:0), Rəşad Sadiqov, 17 (3:0), Nurlan Novruzov, 36 (3:1), Rəşad Eyyubov, 65 (4:1), Ermin Zets, 79 (5:1)
(ilk oyun - 2:1)

“Sumqayıt” - “Qarabağ” - 1:4
Qollar: Muarem Muarem, 6 (0:1), Samuel Armenteros, 10 (0:2), Muarem Muarem, 50 (0:3), Samuel Armenteros, 58 (0:4), Xəyal Nəcəfov, 63 (1:4)
(ilk oyun - 0:2)