Daha bir oyun terrora görə təxirə düşə bilər

Belçika millisinin Portuqaliya ilə martın 29-da keçirilməsi nəzərdə tutulan yoldaşlıq oyunu baş tutmaya bilər.

Teleqraf.com-un goal.com-a istinadən yaydığı xəbərə görə, buna səbəb Belçikanın paytaxtı Brüsseldə baş verən terror hadisləridir.

Zaventem hava limanında baş verən partlayış səbəbindən Belçika millisinin bügünkü məşqi də ləğv edilib.

Qeyd edək ki, Zaventem hava limanında ard-arda törədilən iki partlayışda 11 nəfər, metroda törədilən partlayışda isə 15 nəfər olmaqla, ümumilikdə 26 nəfər ölüb, 35 nəfərdən çox şəxs yaralanıb.