Prosineçki "El-Klassiko"dan danışdı

"Barselona" təkcə "Real"la oyunda yox, bütün turnirlərin favoritidir. Düzdür, derbi başqa oyundur. Ola bilər ki, Messi, Suares və Neymar yığmalarının düşərgəsindən yorğun qayıdıblar. Ancaq bunun "Barselona"nın oyununa təsir edəcəyini düşünmürəm".

Qol.az-ın məlumatına görə, bu sözləri Azərbaycan millisinin baş məşqçisi Robert Prosineçki ölkəsinin mətbuatına açıqlamasında deyib:

Futbolçu karyerasında həm "Real", həm də "Barselona"nın formasını geyinən Prosineçki "El-Klassiko"nu dünyanın bir nömrəli derbisi adlandırıb: "El-Klassiko"da iki xorvatiyalı futbolçu oynaya bilər. Modriç və Rakitiçin belə derbidə oynaması Xorvatiya futbolu üçün böyük önəm daşıyır. Mən Messi amilinə də diqqət yetirmək istəyirəm. O, "Barselona" üçün böyük üstünlükdür. Belə bir futbolçu bir daha dünyaya gəlməyəcək. Dünya futbolunda bir sıra derbilər var. Ancaq "El-Klassiko"ya çatan yoxdur".

Qeyd edək ki, sabah keçiriləcək "Barselona" - "Real" oyunu Bakı vaxtı ilə saat 22:30-da başlayacaq.