19 İyun 2014 16:18
1 137
12 Punto 14 Punto 16 Punto 18 Punto

Bu günlərdə İran İslam Respublikasında Beynəlxalq Velosipedçilər İttifaqının (UCİ) 2.1 kateqoriyalı "Tour of İran" veloyürüşü keçirilir. 18 yığma və klub komandasının iştirak etdiyi yarışda Azərbaycan yığması 6 velosipedçi ilə təmsil olunur.

Azərbaycan Velosiped İdmanı Federasiyasından Teleqraf.com-a verilən məlumata görə, yürüşün Təbrizdən Urmiyaya qədər olan 144.4 km-lik ilk mərhələsində velosipedçilərimizdən ən yüksək nəticəyə "Synergy Baku" kontinental komandasının da şərəfini qoruyan Elçin Əsədov imza atıb - o, finişi 2 saat, 52 dəqiqə, 29 saniyəyə keçən pelotonun içərisində yer alıb və fotofinişə əsasən 21-ci olub. İsmayıl İlyasov isə eyni vaxt göstəricisi ilə 29-cu yeri tutub.

Urmiyadan Culfaya qədər olan 210.3 km-lik 2-ci mərhələdə də E.Əsədov komanda yoldaşlarından daha yaxşı çıxış edib. O, mərhələ qalibi ilə eyni göstəriciyə imza atsa da, 14-cü yeri tutub - 5 saat, 8 dəqiqə, 42 saniyə.

2 mərhələdən sonra Elçin liderə 16 saniyə uduzmaqla ümumi sıralanmada 14-cüdür. Yarışa iyunun 22-də yekun vurulacaq.


Müəllif: