Parlamentin növbəti iclası: gündəmdə iqtisadi qanunlardır

Milli Məclisinin payız sessiyasında növbəti plenar iclası oktyabrın 14-də olacaq.

Parlamentdən Teleqraf.com-a verilən məlumata görə, iclasın gündəliyinə 30 məsələ daxildir:

“Büdcə sistemi haqqında”, “Korrupsiyaya qarşı mübarizə haqqında”, “Təhsil haqqında”, “Şəhid adının əbədiləşdirilməsi və şəhid ailələrinə edilən güzəştlər haqqında”, “Reklam haqqında”, “Sahibkarlıq sahəsində aparılan yoxlamaların tənzimlənməsi və sahibkarın maraqlarının qorunması haqqında”, “Yol hərəkəti haqqında” və sair qanunlara, o cümlədən Vergi, Mülki Prosessual, Əmək, İnzibati Xətalar məcəllələrinə dəyişikliklər nəzərdə tutulur.