"Ford" 21 mindən çox avtomobili geri çağırır

"Ford"un Rusiyadakı nümayəndəsi "Ford Sollers Holding" ölkədə 21 mindən çox avtomobili geri çağırıb.

Teleqraf.com xəbər verir ki, bu, Rusiyada 2016-cı ilin sentyabrından 2017-ci ilin iyununadək satılmış 1000-dən çox və 2013-cü ilin martından 2015-ci ilin dekabrınadək satılmış 20 minə yaxın "Kuqa" modelinə şamil olunur.

Məlumatda qeyd olunur ki, qərar dayaq konstruksiyasında qeydə alınan qüsurlarla əlaqədardır.

Bu qüsurların qəza baş verəcəyi təqdirdə izolə materiallarının həddən artıq qızmasına və yanğına səbəb ola biləcəyi deyilir.

Qeyd edək ki, bu avtomobillərdə təmir işləri avtomobil sahibləri üçün ödənişsiz həyata keçiriləcək.