Azərbaycanda benzin bahalaşdı - Rәsmi

Azərbaycanda xaricdən idxal edilən "Aİ-95" Premium və "Ai-98" Super markalı benzin bahalaşıb.

Azərbaycan bazarına gətirilməsi və satışını həyata keçirən SOCAR Petroleum-dan Teleqraf.com-a verilən məlumatına görə, "Aİ-95" Premium markalı benzinin qiyməti 1,05 manatdan 1,25 manatadək və "Ai-98" Super markalı benzinin qiyməti isə 1,30 manatdan 1,50 manatadək qalxıb.

İdxalçılar qiymət artımını bütün dünyada olan və xüsusəndə mənbə ölkələrdə baş verən bahalaşma ilə əlaqələndirir.

Qeyd edək ki, qiyməti dövlət (Tarif Şurası) tərəfindən tənzimlənən və ölkə daxilində istehsal olunan "Aİ-92" markalı benzinin və dizel yanacağında bahalaşma gözlənilmir.