Dövlət xətti ilə 140 milyon ipoteka krediti verildi - Rəsmi

Bu ilin yanvar-iyul aylarında Azərbaycan bankları İpoteka və Kredit Zəmanət Fondunun xətti ilə 136 mln. manat kredit verib.

Teleqraf.com Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 45,45% çoxdur.

Hesabat dövründə İpoteka və Kredit Zəmanət Fonduna dövlət büdcəsindən illik müqayisədə 73,6% çox - 50 mln. manat vəsait ayrılıb. Fond özü isə 115 mln. manatlıq istiqraz buraxıb ki, bu da illik müqayisədə 23,3% azdır.