Rusiyadan kapital axını 45 milyarda çatdı

Bu ilin yanvar-oktyabr dövründə Rusiyadan kapital axını 2019-cu ilin eyni dövrünə nisbətən 68,2 artaraq 44,4 milyard dollara çatıb.

Teleqraf.com xəbər verir ki, bu barədə Rusiya Mərkəzi Bankının hesabatında deyilir.

Hesabatata görə, artım 18 milyon dollar və ya 68,2 faiz təşkil edib.

Bankın verdiyi açıqlamada ölkədən kapital axınının əsasən bank sektorundan qaynaqlandığı bildirilir. Bu dövrdə bankların xaricdəki öhdəliklərini yerinə yetirdiyi qeyd edilir.

Rusiyadan kapital axını 2019-cu ildə əvvəlki ilə nisbətən 57 faiz azalaraq 26,7 milyard dollar olmuşdu.