“Kənddən Şəhərə” yarmarkası keçirilir - Qiymətlər necədir?

Bu gündən Bakı və Abşeron ərazisində üç fərqli nöqtədə “Kənddən Şəhərə” həftəsonu yarmarkaları fəaliyyətə başlayıb.

Kənd Təsərrüfatı Nazirliyindən Teleqraf.com-a verilən məlumata görə, yarmarkalar “Aqrar Tədarük və Təchizat” ASC tərəfindən təşkil olunub.

Yarmarkalarda birbaşa fermerlər tərəfindən təbii kənd və qida məhsullarının münasib qiymətlərlə satışı həyata keçirilir.

Yarmarkalarda satışa çıxarılan bəzi məhsulların qiymətlərini təqdim edirik:

Kartof 0.45 AZN, soğan 0.55 AZN, alma 0.40 AZN, pomidor 1.20 AZN, mandarin 1.70 AZN, portağal 1.50 AZN, badımcan 1.30 AZN, kələm 0.30 AZN, çuğundur 0.60 AZN, kök 0.60 AZN, yumurta 0.25 AZN, xurma 0.50 AZN, nar 1.50 AZN, göyərti 0.10 AZN, heyva 0.70 AZN.

Qeyd edək ki, “Kənddən şəhərə” həftəsonu yarmarkası aşağıdakı ünvanlarda fəaliyyət göstərəcək:

- Nərimanov rayonu, Fətəli xan Xoyski küçəsi, 5 (“Gənclik” metro stansiyasının çıxışı)

- Binəqədi rayonu, Süleyman Sani Axundov, 5B (“İnqilab” kinoteatrının yanı)

- Xırdalan şəhəri, Heydər Əliyev prospekti, 41A