Misin qiyməti aşağı düşdü: Son 10 ildə…

London Metal Birjasında ( LME) misin qiyməti 0,2 faiz enərək 9,867 dollar/tondan satılıb.

Teleqraf.com xəbər verir ki, dünən misin tonu 10 min 8 dollardan tədarük edilib ki, bu da son 10 ilin ən yüksək göstəricisi hesab olunur.

Sonuncu dəfə misin qiyməti 2011-ci ilin fevralında 10 min 190 dollar/ton olaraq rekord səviyyəyə qalxmışdı.

Londonda mis müqaviləsi son üç ayda 12 dəfə aylıq qazanc istiqamətində irəliləyib.

Şanxay Birjasında iyun ayı üçün bağlanmış mis fyuçers müqavilələrinin qiyməti 0,5 faiz azalaraq 71,950 yuan/ton (11,124 dollar) səviyyəsinə düşüb. Müqavilənin dəyəri səhər saatlarında rekord həddə - 73.060 yuan/ton səviyyəsinə çatıb.

İnvestorlar yüksək qiymətlərin sənaye metallarına olan tələbat üzərindəki təsirlərini ölçdüyü üçün qiymətlərin azaldığını bildirir.