19 İyun 22:04

2021-ci ilin yanvar-may aylarında Azərbaycanda tikinti materiallarının istehsalı sahəsində istehsalın ümumi dəyəri 302,8 milyon manat təşkil edib.

Teleqraf.com-un məlumatına görə, əvvəlki ilin müvafiq dövrü ilə müqayisədə tikinti materiallarının istehsalı 29,3 faiz artıb.

Sementdən, süni daşdan və ya betondan tikinti blokları və kərpiclərinin istehsalı 2,1 dəfə, emal edilmiş mərmər, travertin, alebastr və onlardan məmulatların istehsalı 86,9 faiz, tikinti gipsinin istehsalı 43,1 faiz, hörmə üçün hazırbeton qarışığının istehsalı 42,3 faiz, tikinti əhənginin istehsalı 36,1 faiz, sementin istehsalı 11,4 faiz, tikinti kərpicinin istehsalı 7,6 faiz artıb, asfaltın istehsalı isə78,5 faiz az alıb.


Müəllif: Teleqraf.com