12 Noyabr 2014 16:16
446

2014-cü ilin yanvar-oktyabr aylarında Vergilər Nazirliyinin xətti ilə büdcəyə 6 milyard 144 milyon 974 min manat vəsait daxil olub.

Bu barədə Teleqraf.com-a Vergilər Nazirliyinin analitik-informasiya şöbəsindən məluymat verilib.

Bu məbləğin 34,9 faizi mənfəət vergisinin, 26,9 faizi əlavə dəyər vergisinin, 12,9 faizi fiziki şəxslərin gəlir vergisinin, 10,4 faizi aksizlərin, 14,9 faizi isə digər vergilərin payına düşür.

Qeyri-neft-qaz sektoru üzrə büdcəyə 3 milyard 535 milyon 282,4 min manat vəsait daxil olmuşdur ki, bu da ötən ilin müvafiq dövrü ilə müqayisədə 14,5 faiz çoxdur.

Yanvar-oktyabr aylarında respublika üzrə 68 min 798, yəni ötən ilin müvafiq dövrü ilə müqayisədə 15,0 faiz çox vergi ödəyicisi qeydiyyata alınmışdır. 01 noyabr 2014-cü il tarixə qeydiyyatda olan vergi ödəyicilərinin ümumi sayı ötən ilin müvafiq dövrü ilə müqayisədə 12,9 faiz artaraq 597799-a çatıb.

2014-cü ilin yanvar-oktyabr ayları ərzində respublika üzrə elektron formada göndərilmiş bəyannamələrin xüsusi çəkisi 90,4 faiz təşkil edib.

Naibə QURBANOVA


Müəllif:
Загрузка...