17 Noyabr 2022 13:14
774
12 Punto 14 Punto 16 Punto 18 Punto

“Həm Maliyyə, həm də İqtisadiyyat nazirliyi büdcə ilə bağlı geniş məlumat verdi. Mən, komitəmizin sədri Tahir Mirkişilinin verdiyi üç təklifi müdafiə edirəm. Manatın məzənnəsinin qorunub saxlanılması, neftin bir barrelinin 50 dollardan götürülməsi, inflyasiyanın mümkün qədər qarşısının alınması normal haldır”.

Teleqraf.com xəbər verir ki, bunu Milli Məclisdə çıxışı zamanı deputat Vahid Əhmədov deyib.

Deputat bildirib ki, neft-qazdan gələn gəlir 53, qeyri-neft sahəsində isə 47 faizdir:

“ÜDM-da qeyri neft nəhsularından gələn gəlirlərinin prioritet saxlanılmasını təklif edirəm. Eləcə də sosial sahəyə ayrılan vəsaitin artırılması müsbət addımlardır və Prezidentin bu istiqamətə göstərdiyi həssas münasibəti göstərir”.

İndi dünyada bir sıra problemlər var və buna diqqət edilməlidir. Birincisi, ərzaq təhlükəsizliyi məsələsinə ciddi yanaşmalıyıq. Bir sıra dünya liderləri bu təhlükə haqqında danışırlar. Ərzaq məhsullarının kifayət qədəri idxal olduğu üçün buna diqqət etməlidir. Əlavə vergi tətbiqi və digər güzəştləri müsbət hal kimi qiymətləndirirəm. Bununla yanaşı anti-inflyasiya tədbirlərinin sərtləşməsinə ehtiyac var”.

Əhmədov qeyd edib ki, 2023-cü ildə Kənd Təssərrüfatı Nazirliyi diqqət mərkəzində olmalıdır:

“Yaxşı olardı ki, Kənd Təssərrüfatı Nazirliyi ilə Mərkəzi Bank arasında saziş imzalansın, regionlarda işləyən fermerlər və ümumiyyətlə əhaliyə kreditlər həm əlçatan, həm də faiz aşağı olsun. Regionlarda ən ciddi məsələlərdən biri də girov məsələsidir. Bu, onlar üçün çətindir. Mən eyni zamanda büdcənin xərclər hissəsində şəffaflığın artırılması və ciddi nəzarəti vacib sayıram. 2022-ci il üçün ölkədə orta aylıq əmək haqqı 800 manat təşkil edir və bu məbləğ 2023-də 898 manat olacaq. Təxminən 100 manat artım olacaq. Amma nəzərə almaq lazımdır insanların hamısı bunu ala bilmirlər. Təqaüdçülər 280-290 manat alır. Problemlər çoxdur və bunlara da diqqət edilməlidir”.


Müəllif: Nemət