Putindən anti-dollar mesajı: Proses sürətlənir...

Braziliya, Rusiya, Hindistan, Çin və Cənubi Afrika Respublikasının birləşdiyi BRİKS bloku dollardan istifadəni azaltmaq üçün addımlar atır.

Teleqraf.com xəbər verir ki, Cənubi Afrikanın Yohannesburq şəhərində BRİKS-in 15-ci sammiti keçirilib.

Sammitə video formatda qatılan Rusiya Prezidenti Vladimir Putin BRİKS ölkələri arasında ticarətdə dolların payını mərhələli şəkildə azaltdıqlarını bildirib: “İqtisadi əlaqələrimizin dedollarizasiyası prosesi getdikcə sürətlənir. Təxminən 3 milyard insanın yaşadığı BRİKS ölkələri qlobal iqtisadiyyatın təxminən 26 faizini təşkil edir. BRİKS ölkələri alıcılıq pariteti baxımından “G-7” ölkələrini geridə qoyur”.