Dünyada "şokolad böhranı" yarana bilər – Son 12 ilin ən uğursuz mövsümü

Kakao istehsal edən ölkələrdə tədarükün məhdudlaşdırılması riski yaradan proses şokolad istehsalında xərclərin də artacağına dair gözləntilərə zəmin yaradıb.

Teleqraf.com xəbər verir ki, Qərbi Afrikanın yeni kakao məhsulunun gözləntiləri doğrultmadığı təqdirdə şokolad istehsalında xərclərin arta biləcəyi deyilir.

Dünya tədarükünün üçdə ikisini təşkil edən Fil Dişi Sahili və Qanada pis hava və xəstəliyin istehsala zərər vuracağı qorxusu ilə keçən il kakao qiymətləri təxminən 47 faiz artıb.

El Nino qasırğasının vəziyyəti daha da pisləşdirəcəyi gözlənildiyi üçün analitiklər yeni başlayan mövsüm üçün üçüncü qlobal qıtlığın olacağını proqnozlaşdırırlar.

Bu o deməkdir ki, qida üçün xərc təzyiqləri daha geniş şəkildə azalsa belə, qəlyanaltılar seqmentində inflyasiya davam edə bilər.

Nyu-York kakao fyuçersləri sentyabrın ortalarında son 12 ilin ən yüksək səviyyəsinə çataraq, sonuncu dəfə 1979-cu ildə görülən qiymətlərə yaxınlaşıb.

Qərbi Afrikada məhsulu vuran iqlim şəraiti və kənd təsərrüfatı istehsalındakı epidemiyalar bu yüksəlişdə təsirli olub.