Sığorta bazarı 5,6 faiz artıb

Ötən il Azərbaycandakı 28 sığorta şirkətinin xəttilə təxminən 429,2 milyon manat sığorta haqqı toplanılıb.

Teleqraf.com xəbər verir ki, Azərbaycan Sığortaçılar Assosiasiyasının məlumatına görə, bu, 2013-cü illə müqayisədə 23,5 milyon manat və ya 5,8 faiz çoxdur.

Keçən il sığorta şirkətlərinin həyata keçirdiyi ödənişlərin məbləği isə 34,3 milyon manat və ya 28 faiz artaraq təxminən 157,1 milyon manat təşkil edib.

Hesabat dövründə sığorta bazarında toplanmış hər 100 manat sığorta haqqı müqabilində 36,6 manat ödəniş edilib. Bu göstərici 2013-cü ildə 30,3 manat olub.