Azərbaycana ən çox pul Rusiyadan göndərilib

Bu ilin yanvar-sentyabr aylarında, Azərbaycana pul köçürmələrində Rusiya lider mövqedədir.

Teleqraf.com xəbər verir ki, bu barədə Azərbaycan Mərkəzi Bankının (AMB) Statistika departamentinin direktoru Samir Nəsirov media brifinqində bildirib.

"2024-cü ilin yanvar-sentyabr aylarının nəticələrinə əsasən, Azərbaycana pul köçürmələri üzrə ilk beşliyə Rusiya – 411 milyon dollar, Türkiyə – 130 milyon dollar, ABŞ – 48 milyon dollar, Gürcüstan – 27 milyon dollar və Böyük Britaniya – 26 milyon dollar daxildir", – deyə S.Nəsirov qeyd edib.