Özəl banklar kreditləşməni azaldıb, dövlət bankları isə artırıb

Ötən ilin 11 ayında iqtisadiyyata cəmi kredit qoyluşları 29,07 milyard manat olub. Kreditlərin 24,3 faizi dövlət bankları tərəfindən verilib.

Teleqraf.com xəbər verir ki, hesabat dövründə dövlət bankları 7 milyard manat kredit ayırıblar.

Hesabat dövründə özəl banklar tərəfindən 20 milyard 296.2 milyon manat kredit qoyuluşu reallaşdırılıb. Bu da ümumi kreditləşmənin 69,8 faizi deməkdir.

Xatırladaq ki, 2023-cü ilin yanvar-noyabr aylarında özəl bankların təqdim etdikləri kreditlərin kredit portfelində xüsusi çəkisi 74 faiz, dövlət banklarının isə 22,9 faiz təşkil edib.

2024-cü ilin yanvar-noyabr aylarında qeyri-bank kredit təşkilatlarının ümumi kredit qoyluşunda xüsusi çəkisi 5,8 faiz olub.

Mərkəzi Bankın açıqlamasına görə, kredit qoyuluşlarında azalma lisenziyası ləğv edilmiş banklarla əlaqədardır.