Azərbaycan Çindən piano idxalını artırıb

Azərbaycan ötən ilin ilk 10 ayında 2 milyon 238,7 min ABŞ dolları dəyərində 829 ədəd pianino idxal edib.

Teleqraf.com Dövlət Statistika Komitəsinə istinadən xəbər verir ki, bu, 2023-cü ilin eyni dövrü ilə müqayisədə 111 ədəd çoxdur.

Qeyd olunan dövrdə isə ixrac azalıb. 2023-cü ilin yanvar-oktyabr ayı ilə müqayisədə ötən ilin ilk 10 ayında 8 ədəd az – 3 pianino ixrac edilib.

Çindən idxal olunan pianino 99 ədəd artaraq 808 olub. Pianino idxal edilən digər ölkələr: İndoneziya 10 ədəd, Türkiyə 2 ədəd, Yaponiya 6 ədəd, Almaniya 2 ədəd, Bolqarıstan 1 ədəd.