Bakı-Sumqayıt sürət qatarları nə vaxt işləyəcək?

“Stadler” ikimərtəbəli sürət qatarları sentyabrın əvvəlində Bakı-Sumqayıt marşrutu üzrə işə düşəcəklər.

Bu barədə Teleqraf.com-a “Azərbaycan Dəmir Yolları” QSC-nin mətbuat xidmətinin rəhbəri Nadir Əzməmmədov deyib.

Onun sözlərinə görə, Sumqayıt sərnişin stansiyası bərpa olunacaq: “Hazırda Sumqayıt sərnişin stansiyasının platformasında tikinti işləri gedir. Qatar sürətli olduğu üçün xətlərdə keçidlər ləğv edilir, Bakı daxilində isə çəpərlənmələr quraşdırılır”.