Neft yenə ucuzlaşdı

Dünya bazarında WTI (West Texas Intermediate) markalı xam neftin bir barelinin qiyməti 0,27 dollar və ya 0,55% ucuzlaşaraq 48,52 dollar təşkil edib.

Teleqraf.com-un məlumatına görə, birjalarda "Brent" markalı neftin qiymətində ucuzlaşma müşahidə olunub. Belə ki, bu markalı neftin qiyməti 0,13% yaxud 0,07 dollar enərək 53,31 dollar/barel olub.

Proqnozlara görə, xam neftin qiyməti ilin sonunadək hazırkı vəziyyətdə qalarsa, 2015-ci il üzrə neftin orta qiymətinin 55 dollar/barel olacağı gözlənilir.