“Şimal Axını-2” “Qazprom”un borcunu artıra bilər

“Fitch” beynəlxalq reytinq agentliyi “Şimal Axını-2” qaz kəmərinin tikintisinin “Qazprom” üçün kommersiya və fandreysinq risklərini artırdığını açıqlayıb.

Publika.az xəbər verir ki, agentlik kəmərin tikintisi üçün birbaşa vəsait cəlb ediləcəyi halda “Qazprom”un borc yükünün artacağını iddia edir. “Qazprom” yayda iki boru kəmərinin tikintisi vasitəsilə "Şimal Axını" sisteminin ötürmə gücünün 110 milyard kubmetrə qədər artırılması barədə Avropalı tərəfdaşları – "Shell", "Engie", OMV, "BASF-Wintershall" və "E.ON" ilə razılığa gəlib. Layihə şirkəti tərəfdaşlarla birlikdə sentyabrda yaradılıb.