İyunda dolları və manatı nə gözləyir?

ABŞ-ın Federal Ehtiyatlar Sistemi (FES) son iclasından sonra iyunda uçot dərəcəsini qaldıracağına işarə etdikdən sonra ABŞ milli valyutasının məzənnəsini xeyli möhkəmlənib.

Bu barədə “Deutsche Bank”ın hesabatında bildirilir. Ekspertlər hazırda dolların kəskin bahalaşması üçün ciddi potensial toplandığını deyirlər.

Teleqraf.com-a açıqlama verən iqtisadçı Vüqar Bayramovun sözlərinə görə, FES-in iyun iclasında daha çox uçot “şapkası”nın müzakirə edəcəyi gözlənilir: “Əslində FES-in açıqlamasından da belə məlum olur ki, bu iclasda əsas mövzu uçot “şapkası”nın 2 faizədək artırılması olacaq. Bu, kifayət qədər yüksək göstəricidir. Əgər FES bu addımı atsa, digər valyutalara nisbətdə dolların məzənnəsində möhkəmlənmə müşahidə olunacaq.

Xatırladım ki, FES sonuncu dəfə dekabr ayında uçot “şapka”sının artırılması ilə bağlı qərar qəbul etdi və bu rəqəm tam faizlə belə ifadə olunmur. Yəni heç 1 faiz də deyil. Belə olan halda birdən-birə uçot “şapka”sı 2 faizə çatdırılsa, dolların dünya bazarında bahalaşması baş verəcək. Bu zaman investorlar öz pullarını ABŞ dolları ilə saxlamaqda maraqlı olacaq ki, bu da dolların digər xarici valyutalara nisbətən məzənnəsinin yüksələməsi deməkdir.

Təbii ki, bu, manata da təzyiqi artıracaq. Bu şəraitdə devalvasiyaya gedilib-gedilməməsi Mərkəzi Bankın qərarından asılı olacaq”.

Naibə QURBANOVA