"Arka sokaklar"a 300 minlik cəza

Türkiyənin uzun illərdir davam edən serialı "Arka sokaklar"a "RTÜK" tərəfindən cəza gəlib.

Axşam.az-ın xarici KİV-ə istinadən xəbərinə görə, polislərin yer aldığı ekran işində şiddət səhnələrinin olduğu iddia edilib. Bu cəza qarşılığında serial 300 min lirə (təxminən 150 min manat) cəza ödəməlidir.

"RTÜK" ərizəsində serialdakı "cəza alan" səhnə belə qeyd edilib:

"Polis Mesut əməliyyat olunur. Yaranın üzərində qan görünür. Qan görüntüsünün üstü örtülüb. Mesut narkozla yatızdırılmanı qəbul etmədiyi üçün həkim narkozsuz əməliyyat edir. Əməliyyat masasında Mesut ağrı içində titrəyir və şok keçirir".