Tamaşanın iki rejissoru var

Dövlət Gənc Tamaşaçılar Teatrında beynəlxalq layihə çərçivəsində daha bir tamaşanın məşq prosesinə start verilib.

Teatrdan Teleqraf.com-a verilən məlumata görə, tamaşa görkəmli İsveç dramaturqu Astrid Lindqrenin “Uzuncorab Peppi” əsəri əsasında hazırlanır. Tamaşanın iki rejissoru var: isveçli Roni Danielson və əməkdar incəsənət xadimi Bəhram Osmanov.

Müzikl tamaşada əməkdar artistlər Nəsibə Eldarova, Gülər Nəbiyeva, aktyorlar Zümrüd Quliyeva, Anar Seyfullayev rol alacaq.

Tamaşanın yeni – 89-cu teatr mövsümündə təqdim olunması nəzərdə tutulur.

Nərmin