“10 il əvvəl Gülənlə Ərdoğanın yaxşı münasibəti var idi” - Tünzalənin prodüseri

Əməkdar artist Tünzalə Ağayevanın Fətullah Gülənin sözlərinə bəstələnmiş "Güllərin Əfəndisi" adlı mahnını ifa etməsi yaxşı qarşılanmayıb.

Bu məsləyə Tünzalə Ağayevanın prodüseri Yalçın Cabbarov münasibət bildirib. O, Teleqraf.com-a açıqlamasında Tünzalə Ağayevanın bu mahnını illər əvvəl oxuduğunu qeyd edib: “Tünzalə Ağayeva bu mahnını 5-6 il əvvəl bir dəfə ifa edib. O vaxt Türkiyədə siyasət başqa cür idi və fərqli yanaşma vardı. 10 il əvvəl Fətullah Gülənlə Ərdoğanın çox yaxşı münasibəti var idi. Bu gün onların münasibəti pozulub və o demək deyil ki, çox dəxlisiz söz-söhbət yaranmalıdır. Ona görə bununla bağlı heç bir açıqlama verməyəcəyik. Hazırda Tünzalə xanım Türkiyədədir və bu məsələyə mövqeyi normaldır”.

Mətbuatda xalq artisti Azərinin də 2012-ci ildə “Saman yolu” televiziyasının 20 illik yubileyi ilə əlaqədar keçirilən konsertdə sözləri Fətullah Gülənə aid “Dünya” mahnısını ifa etdiyi bildirilir.

Rəqsanə