Hollivud ulduzu: “Putinlə şəkil çəkdirmək istəyirəm”

Hollivudun gənc və adı tez-tez qalmaqallarda hallanan ulduzu Lindsey Lohan qəribə istəyini açıqlayıb.

Teleqraf.com xarici mediaya istinadla xəbər verir ki, aktrisanın Rusiyada məşhur olan “Pust qovoryat” adlı tok-şouda iştirak etmək üçün şərtlərdən ibarət tərtib etdirdiyi siyahıda qeyri-adi istəkləri diqqət çəkib.

Siyahıda yer alan ən maraqlı məqam Hollivud aktrisasının Rusiya dövlət başçısı Vladimir Putinlə tanış olmaq və foto çəkdirməyi arzulamasıdır.

Proqram müəllifləri tok-şouda aktrisanın rus milyarderi Yeqor Tarabasovla olan münasibətlərindən və ayrılıqlarından danışmasını istəyiblər. Bunun da qarşılığında Lohan veriliş müəlliflərinə şərtlərdən ibarət belə birsiyahı təqdim edib.

Siyahının digər bəndlərində mühafizə xidməti ilə təminat, 2 milyon rubl, bir illik Rusiya vizası, çəkiliş məkanında saç ustası, stilist, manikürçünün olması və Ritz Çarltonda bir otaqla təchizat da qeyd olunur.

Pərvin