Fəxriyyə Xələfova tanınmışlardan ibarət dəfilə keçirəcək - FOTOLAR

Əməkdar incəsənət xadimi Fəxriyyə Xələfova tanınmışlardan ibarət dəfilə keçirəcək.

Fəxriyyə Xələfova bu haqda Teleqraf.com-a açıqlamasında deyib: “Hər zaman pərəstişkarlarımı və dəbsevərləri layihələrimlə sevindirmək istəyirəm. Bu dəfə iki hissədən ibarət, modellərin və tanınmışların iştirakı ilə dəfilə təşkil edəcəm. Artıq kriteriyalara uyğun siyahı təşkil etməyə başlamışam. Podiumda boy və zəriflik çox önəmlidir. Hətta dəfiləmdə mətbuat nümayəndələri də iştirak edə bilər. Layihəni gələn il martın 8-də təşkil etməyi planlaşdırıram".

Fəxriyyə Xələfova sosial şəbəkə istifadəçilərinə də səslənib: "Sosial şəbəkələrdə çox aktivəm. Layihəmdə hansı tanınmışı görmək istəsələr fikirlərini bildirə bilərlər. Layihəmin müzakirə edilməsini və reytinqli olmasını istəyirəm".

Rəqsanə

FOTO: Elçin Murad