İlin fotoqrafı seçiləcək

Yanvarın 14-də Azərbaycan Fotoqraflar Birliyində “İlin fotoqrafı-2016”nın təqdimat mərasimi keçiriləcək.

Teleqraf.com xəbər verir ki, tədbir Mədəniyyət və Turizm Nazirliyinin dəstəyi ilə Beynəlxalq Muğam Mərkəzində təşkil ediləcək.

Tədbirdə Azərbaycan fotoqrafiya sənətində 2016-cı ilin yekunları elan ediləcək və 22 nominasiya üzrə mükafatlar təqdim olunacaq. Həmçinin Orxan Aslanovun “My Azerbaijan” fotosərgisi nümayiş ediləcək.

Qeyd edək ki, Azərbaycan Fotoqraflar Birliyi tərəfindən 1999-cu ildən bugünədək ənənəvi ilin yekun tədbiri olan “İlin fotoqrafı” mükafatlandırma mərasimi keçirilir.

Tədbirin informasiya dəstəyi Azərbaycan Dövlət İnformasiya Agentliyinə (AZƏRTAC) məxsusdur.