İlkin Misgərli baş rolda çəkildiyi filmin qala gecəsinə gəlmədi

Bu gün Nizami Kino Mərkəzində "Brat Li" komedik filminin qala gecəsi keçirilib.

Teleqraf.com xəbər verir ki, büdcəsi 130 min manat olan "Brat Li" filmində baş rolları rəqqasə Oksana Rəsulova və aktyor İlkin Misgərli canlandırır. Ekran əsərinin baş prodüseri Sərvan Allahverdiyev, rejissoru isə Nicat Rzazadədir.

Qala gecədə filmin baş rollarını canlandıran aktyorlar İlkin Misgərlinin, Oksana Rəsulova və Məlahət Abbasovanın iştirak etməməsi diqqət çəkib. Oksana Rəsulova Hindistandan, Məlahət Abbasova isə Türkiyədən video çarx vasitəsiylə film haqqında təəssüratlarını bölüşüblər.

İlkin Misgərlinin isə təqdimata gəlməməsinin səbəbi açıqlanmayıb. Deyilənə görə, İlkin ilə filmin yaradıcı heyəti arasında problem yaşanıb.

Qeyd edək ki, filmdə İlkin Misgərli, Abbas Əlizadə, Məlahət Abbasova, Oksana Rəsulova, Rüfət Nazar, Sabir Məmmədov, Təvəkkül Əliyev, Oktay Kamil, Delya Fərəcullayeva, Fuad Mədətov, Nofəl Şahlaroğlu və başqaları çəkilib.

Rəqsanə