“Dihaj” pulsuz konsert verdi - Foto

Heydər Əliyev Mərkəzinin parkında “Dihaj” qrupunun konserti keçirilib.

Heydər Əliyev Mərkəzindən Teleqraf.com-a verilən məlumata görə, qrup tamaşaçılara yeni albomundan mahnılar təqdim edib.

“Dihaj”ın özünəməxsus, maraqlı ifası alqışlarla qarşılanıb. Sonda qrupun solisti Diana Hacıyeva tamaşaçıların istəyi ilə sevilən “Gecələr” mahnısını ifa edib.

Qeyd edək ki, Mərkəzin parkındakı həftəsonu tədbirlərinə giriş sərbəstdir.