Azərbaycanlı əlil model qalib oldu - Video

“Miss və Mister Qafqaz Azərbaycan- 2017” gözəllik müsabiqəsinin qalibi olan Xaliq Məhəmmədzadədən yeni xəbər var.

Teleqraf.com xəbər verir ki, danışma və eşitmə qüsurlu Xaliq “High Life Fashion and Model Academy” tərəfindən keçirilən Beynəlxalq "Men of the World Azerbaijan-2017" yarışmasının birincisi seçilib.

Bir qədər əvvəl Teleqraf.com-a açıqlama verən model “Bu yarışmada da birinci olsam, Azərbaycanı xarici ölkədə təmsil edəcəyəm. Onu deyim ki, birinci olma ehtimalım böyükdür. Lakin yenə də nəticələri gözləyirik”, – deyə, qeyd etmişdi.

Xatırladaq ki, Azərbaycanı təmsil etmək üçün bu ilin noyabr ayında Tayvana gedəcəyini açıqlayan Xaliq vaxtilə Lider TV-də keçirilən “Model akademiyası” proqramının da seçilən iştirakçılarından olub.

O, Günay İbrahimlinin bu yaxınlarda çəkilən “O kimdir ki?!” klipində də model kimi baş rolda görünüb.