Müğənni Zamiqdən 15 ilin hesabatı - Video

Müğənni Zamiq Hüseynov fevralın 10-da Heydər Əliyev adına Sarayda konsert verəcək.

Teleqraf.сom xəbər verir ki, ifaçı bu barədə açıqlamasında bildirib.

Konsert Zamiq Hüseynovun səhnə fəaliyyətinin 15 illiyinə həsr olunub və hesabat xarakteri daşıyır: “Demək olar ki, öz repertuarıma müraciət edəcəm. Möhtəşəm bir konsert baş tutacaq. Buna inanıram. Çalışdığım qədər konsertə gələn insanları zövqlü musiqi ilə qarşılayacağıq”.

Bundan əlavə, Zamiq dəvətnamə verəcəyi şəxslər barədə də danışıb: “Elə insanlara dəvətnamə verərəm ki, mənim konsertimdə səhv axtarmasın. Yəni, Zamiq niyə belə geyindi, nə üçün mahnını bu tərzdə oxudu və.s Belə şeyləri çox görürəm. Konsertə gedirəm, görürəm ki, nəsə danışmağa söz axtarırlar”.