Ərə getməyə hazırlaşan Səidə sevgilisindən danışdı: “Altı ildir…”

Müğənni Səidə Sultan şəxsi həyatından danışıb.

Teleqraf.com-un məlumatına görə, ifaçı "Qadınlar nə istəyir?" verilişində bildirib ki, 6 ildir bir insanı sevir: "Sevilirəm də, sevirəm də. Əvvəllər hesab edirdim ki, yaşadığım münasibətlər sevgi deyil. Sonra Allah qarşıma elə hadisə çıxardı ki, sevgiyə inanmağa başladım. Əvvəllər sevgiyə dırnaq arası baxırdımsa, indi əminliklə deyə bilərəm ki, sevgi var.

Artıq 6 ildir birlikdəyik. Dalaşmışıq da, qırışmışıq da, barışmışıq da, bəzən demişəm "Vəssalam, bitdi". Amma 6 il keçibsə, demək, burada nəsə var".

Qeyd edək ki, Səidə bir müddət öncə açıqlamasında ailə qurmağa hazırlaşdığını, daha sonra həmin şəxsdən ayrıldığını demişdi.