"Qardaşım evimi dağıtdı" - Əməkdar artist

Əməkdar artist Yusif Mustafayev "Ay Zaur" verilişinin qonağı olub.

Teleqraf.com-un məlumatına görə, müğənni qardaşına dəstək olmadığı üçün onu qınayanlara cavab verib:

"Qardaşlarım, qohumlar məni qınayırlar ki, niyə qardaşını da efirə çıxarmırsan? Gərək insanın özü əziyyət çəksin. Bir-iki dəfə efirə çıxardım, amma dişlə-dırnaqla irəli getməlisən. Gecələr oyaq qalmalısan ki, nəsə qazanasan. İnsana balıq vermək yox, balığı tutmağı öyrətmək lazımdır".

"Mənim xanımım bizə gələn gündən ruzim artıb. Heç vaxt onun xətrinə dəyməmişəm, dəymərəm də. Onun ruzisidir, ayağı ocağımıza düşərli oldu. O, bizim evimizə gələndən mən Yusif oldum. Ata-anamın məsləhəti ilə evləndik.

Yoldaşım qayınatamın kiçik pul sandıqcasını cehizinin arasında gətirmişdi. Bir gün qayınatam dedi ki, bütün ruzimiz o sandıqla gedib.

Pulu özüm yığıram, ailənin nə işi var büdcə ilə... Bir də iki oğlum məşğuldur büdcə ilə".

Mustafayev gündəmə gələn zarafatlarından, tənqidlərdən danışıb:

"Deyirlər ki, yaşına yaraşmayan hərəkətlər edir. Bəzi şeylər var ki, balalarım irad tutur. Deyirlər, bizim də ətrafımız var. Mən də zarafat etməsəm, yaşaya bilmərəm. Qardaşım oğlu idi, efirdə ona sözü dedim ("köpəkoğlu" sözünü nəzərdə tutur - red.). Bilmədim mikrofon açıq idi. Gülmək üçün dedim. Onunla mən cavanlaşıram. Qınamasınlar, qoyun yaşayaq. Çalışırıq yaşımızdan cavan görünməyə çalışırıq".

Müğənni qardaşının başına açdığı oyundan söz açıb:

"Yanırdım, qardaşım tufağımı dağıtdı. Bizim ailədə bir adət var: 10 uşağıq, hamımızın süfrəsi birdir. Əgər qardaşımın soyuducusu boş olsa, evimdə ət yemərəm. Qardaşım hər şeyimizi məhv etdi. Onu indi çəkmişəm yanıma, qızını oğluma aldım. Böyük məbləğdə pul götürüb, getdi Rusiyaya. Hamı töküldü mənim üstümə. Özümü öldürmək istəyirdim".