13 Fevral 11:38
1 718

“Avroviziya-2011”in qalibi Nigar Camal Teleqraf.com-un suallarını cavablandırıb.

- AzTV-də Eldar Qasımovla birlikdə "Telesəhər" verilişini aparırsınız. Aparıcı kimi fəaliyyətiniz necə gedir?

- Əslində, aparıcılıq da çox maraqlıdır. Bilməzdim ki, bu dərəcədə maraqlı olacaq. Özünü fərqli hiss edirsən...

- Aparıcılıqda hansısa çətinlik yaşayırsınız?

- Bir az dilə görə çətinlik olur, yavaş-yavaş o da düzəlir.

- Verilişinizə gəlməkdən imtina edən həmkarlarınız olub?

- Xeyr.

- Niyə müğənni kimi televiziyalara çıxmırsınız?

- Çünki AzTV-də çəkilişlərimiz olur. Tədbirlər var, işlərim çox olur.

- Yoxsa bizim efiri bəyənmirsiniz?..

-Xeyr. Bir həftə Bakıda, bir həftə Londonda oluram, çatdıra bilmirəm. İşlərimiz çox olur.

- Efirə çıxarkən şərt qoyan müğənnilərə münasibətiniz necədir?

- AzTV-nin öz şərtləri var. Bağlı geyinməlisən, çox açıq-saçıqlıq olmaz.

- Efirə hansısa müğənni ilə çıxmaqdan imtina etmisiniz?

- Xeyr, elə şey yoxdur. İş işdir və məndə belə xüsusiyyət yoxdur. Ay kimisə “vurmaq” və s… Gedirəmsə gedirəm.

- Trendə düşən müğənniləri dinləyirsinizmi, Şəbnəm Tovuzlunu, Damlanı?

- Xeyr. Son zamanlar xoşuma gələn mahnı yoxdur. Hansısa mahnı xoşuma gəlsə qulaq asaram.

- Miri Yusif, Röya Ayxan xalq artisti fəxri adına layiq görüləndə onları təbrik etdiniz?

- Tünzalə Ağayevanı təbrik etdim.

- Qalmaqal yaşadığınız Röya Ayxanla münasibətiniz necədir?

- Bu suala cavab vermək istəmirəm.

- Daim formadasınız. Bu baxımdan idmana, yoxsa pəhrizə borclusunuz?

- Əslində, çox kilo almıram. Artıq kilo alan kimi pəhrizə otururam. Xüsusi şirkətin dietik yeməklərinə müraciət edirəm, özüm yemək hazırlamıram.

- Dilarə Kazımova ilə siz açıq-saçıq geyimlərdən çəkinmirsiniz.

-Yerinə, getdiyim məkana görə geyinirəm.


Müəllif: Rəqsanə Həsənova