Namiq Qaraçuxurlu: "Bir ay sonra özüm yardıma möhtac olaram..." - Foto

Məşhur meyxanaçı-müğənni Namiq Qaraçuxurlu koronavirusa görə aztəminatlı ailələrə kömək olunmasına münasibət bildirib.

Teleqraf.com xəbər verir ki, Namiq Qaraçuxurlu İnstaqramda bu sözləri yazıb:

"Bir çoxları "yardım edirsiniz, ya yox?" sualını mənə də ünvanladığı üçün cavab vermək istəyirəm. Mən baxmayaraq ki, bir aydan sonra özümün də ehtiyacım ola bilər, imkanım daxilində tanıdığım kaslb insanlara kömək etmişəm, edirəm də. Sadəcə çəkib paylaşanlara özünüzü reklam edirsiniz deyib təhqir edənlərin ucbatından bu barədə paylaşım eləmirəm.

Sosial şəbəkədə paylaşma cəsarəti tapanlara isə demək istəyirəm: tam doğrusunu edirsiniz...

İnsanlarımızın sosial şəbəkələrdə də aqressiv olmasını real qəbul edirəm. Acınacaqlı vəziyyətdə saysız-hesabsız vətəndaşlarımız var. Bu çətin günlərdə Allah dövlətimizə, millətimizə kömək olsun".